كل يوم خس وجزر

كل يوم خس وجزر


كان يا مكان يا سعد ياأكرام مايحلى الكلام إلابذكر النبى عليه الصلاة والسلام
كان فيه مره أرنب صغير عايش مع ماما وبابا وفى يوم من الأيام صحى من النوم جعان
قال لماما :انا جعان ياماما
ماما قالت له:فيه خس وجزر
قالها : كل يوم خس وجزر كل يوم خس وجزر انا زهقت منه ومش هاكل منه تانى
ماما قالت له :ماتقولش كده تانى وده الاكل اللى ربنا رزقنا بيه وبنعيش عليه يعنى ناكل ونقول الحمد لله
مشى أرنوب زعلان وساب ماما وماقلش هو رايح فين
مشى فى الغابه جعان وزعلان وفجأة قابل القطه
قالها: ازيك ياقطه
قالت له: ازيك يا أرنوب مالك شكلك زعلان
قالها ارنوب:انا جعان
قالت له :انا بشرب لبن تيجى تشرب معايا
قالها:لا يقطه انا مش بشرب لبن انا بكل خس وجزر بس زهقت منه ومش عايز اكله تانى
القطه قالت له :ليه يا أرنوب ده الخس خضار والخضار فيه فيتامين والجزر بيقوى النظر
ساب أرنوب القطه ومشى تانى فى الغابه
وهو ماشى قابل البوبى وقال له
ازيك يابوبى
البوبى قال له:ازيك يا أرنوب مالك شكلك كده زعلان
قاله ايوة :اصل انا جعان
البوبى قاله:انا باكل عظم تيجى تاكل معايا
ارنوب قاله :انا مش بعرف اكل عظم انا باكل خس وجزر وماما جابتلى خس وجزر بس انا مش عايزه تانى
البوبى قاله:ليه يا أرنوب ده الخس خضار والخضار فيه فيتامين والجزر بيقوى النظر
ساب أرنوب البوبى ومشى تانى فى الغابه
وهوماشى قابل العصفورة
وقال لها :ازيك ياعصفورة
قالت له :ازيك يا ارنوب مالك شكلك تعبان كد ليه
قال لها :انا جعان قوى وتعبت من المشى بدور على اكل
قالت له :انا باكل حبوب تعالى وكل معايا
قال لها انا مش باكل حبوب انا باكل خس وجزر وماما جابتلى بس انا مش عايز
العصفورة قالت له :ليه يا أرنوب ده الخس خضار والخضارفيه فيتامين والجزر بيقوى النظر
ساب ابعصفورة ومشى
وفجأه لقى نفسه مش عارف يرجع البيت تانى قعد فى الغابه يعيط وسمع صوت من بيعيد بينادى أرنوب................أرنوب...................أرنوب
رد أرنوب فرحان ده صوت ماما وبابا
ايوة ياماما ايوة يابابا انا هنا تعالو بسرعه انا خايف..........
وبعدين اتأسف لبابا وماما وقالهم انا هاسمع الكلام على طول عشان انتم بتحبونى وهاكل اللى تقولو عليه وهاحمد ربنا على طول

مشكوووووووووووووووووووووووووووووور